මුදල්, ක්‍රමසම්පාදන සහ ආර්ථික සංවර්ධන අමාත්‍යවරයා ලෙස වැඩ භාරගැනීම සඳහා ජනාධිපති අනුර කුමාර දිසානායක සිකුරාදා ජනාධිපති ලේකම් කාර්යාලයේ සිට මුදල් අමාත්‍යාංශය දක්වා පා ගමනින් ගියේය.

පසුව ඔහු මහා භාණ්ඩාගාරයේ ජ්‍යෙෂ්ඨ නිලධාරීන් සමඟ සාකච්ඡාවක් පැවැත්වූ අතර එහිදී නිලධාරීන් ජනාධිපතිවරයා වෙත ඉල්ලීම් තුනක් ඉදිරිපත් කළේය.

ඒ, මහා භාණ්ඩාගාරය ‘ජාතික භාණ්ඩාගාරය’ ලෙස නම්කිරීම, භාණ්ඩාගාරය සංවෘත සේවාවක් බවට පත්කිරීම සහ මුදල් අමාත්‍යාංශය ප්‍රතිව්‍යුහගතකරණය කිරීම යන ඉල්ලීම් ය.

කෙසේ වෙතත් ජනාධිපතිවරයා එම ඉල්ලීම් තුනම ප්‍රතික්ෂේප කළේය.

ඔහු පැවසුවේ භාණ්ඩාගාරය නැවත නම් කරනවාට වඩා රජයට කළ යුතු වැදගත් දේ ඇති බවයි.

භාණ්ඩාගාරයට පිටතින් දක්ෂයන් බඳවා ගැනීමේ හැකියාව තබාගැනීමට අවශ්‍ය බැවින්, භාණ්ඩාගාරය සංවෘත සේවාවක් බවට පත්කර එය ප්‍රතිව්‍යුහගතකරණය කිරීමට රජයට කටයුතු නොකරන බවත් වාර්තා වේ.