October 10, 2025
තැපැල් සේවකයින් අතිකාල (OT) ගෙවීම් වංචනික ලෙස ලබාගෙන ඇති බවට තැපැල්පතිවරයා විසින් කරන ලද චෝදනා සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කිරීමට සැලසුම් කර ඇති බව තැපැල් වෘත්තීය සමිති පැවසීය.
ඊයේ 151 වන ලෝක තැපැල් දිනය සනිටුහන් විය.
දිනය සැමරීමේ ජාතික උත්සවය ඊයේ උදෑසන බදුල්ල තැපැල් සංකීර්ණ ශ්‍රවණාගාරයේදී ජනමාධ්‍ය අමාත්‍ය ආචාර්ය නලින්ද ජයතිස්සගේ ප්‍රධානත්වයෙන් පැවැත්වීමට නියමිතව තිබිණි.
තැපැල්පතිවරයාගේ අදාළ ප්‍රකාශයට විරෝධය පළකරමින් තැපැල් සේවකයන් ඊයේ රාජකාරියට වාර්තා කරන බව තැපැල් වෘත්තීය සමිති නිවේදනය කර තිබිණි.
