මීගමුවේදී ත්‍රිරෝද රථයක් තුළ පිළිස්සී මියගොස් සිටි 56 හැවිරිදි පොලිස් නිලධාරියකුගේ මළසිරුරක් හමුවී ඇති බව වාර්තා වේ.

අද (ජුනි 14) උදෑසන මීගමුව කොච්චිකඩේ කම්මල් තොටුපොළ වෙරළ තීරයේදී පිළිස්සුණු මළසිරුරක් සොයාගෙන ඇත.

මියගිය පුද්ගලයා මීගමුව කොට්ඨාශ අපරාධ විමර්ශන ඒකකයට අනුයුක්ත සැරයන් රියදුරු ජයන්ත පුෂ්පකුමාර ලෙස හඳුනාගෙන තිබේ.

ප්‍රදේශවාසීන් මළසිරුර පිළිබඳව දැනුම්දීමෙන් පසු කොච්චිකඩේ පොලිසිය පරීක්ෂණයක් ආරම්භ කර ඇත.

මහේස්ත්‍රාත් පරීක්ෂණයකින් පසු පශ්චාත් මරණ පරීක්ෂණයක් පැවැත්වේ.