ගල්කිස්ස අධිකරණ පරිශ්‍රයේ සිදුවූ සිද්ධිය සම්බන්ධයෙන් රක්ෂිත බන්ධනාගාරගතව සිටි පොලිස් නිලධාරියාට අද (13) ඇප ලබා දී තිබේ.

අද ගල්කිස්ස මහේස්ත්‍රාත් අධිකරණයට ඉදිරිපත් කිරීමෙන් පසු පොලිස් කොස්තාපල්වරයා රුපියල් ලක්ෂ 2 බැගින් වූ ශරීර ඇප දෙකක් මත මුදාහැර තිබේ.

ඔක්තෝබර් 10 වැනි දින අධිකරණ පරිශ්‍රය තුළ වාහනයක් ගෙනයෑම සම්බන්ධයෙන් ඇති වූ ආරවුලකදී නීතිඥවරයකුට පහරදුන් බවට ලැබුණු පැමිණිල්ලකට අනුව නිලධාරියා අත්අඩංගුවට ගෙන තිබිණි.

පුළුල් මහජන අවධානයක් දිනාගෙන ඇති මෙම සිද්ධියේදී පොලිස් නිලධාරීන් නිසි ලෙස ක්‍රියාකළේද යන්න පිළිබඳව පොලිස් විශේෂ විමර්ශන ඒකකය විසින් විමර්ශනයක් ඇතුළු විවධ පරීක්ෂණවලට තුඩු දී තිබේ.

මහජන ආරක්ෂක අමාත්‍ය ආනන්ද විජේපාල මීට පෙර ප්‍රකාශ කළේ, සිද්ධිය අතරතුර ජ්‍යෙෂ්ඨ නීතිඥ ගුණරත්න වන්නිනායකගේ හැසිරීම සම්බන්ධයෙන් ඔහුට එරෙහිව නීතිමය පියවර ගන්නා බවත්, එය අධිකරණයට අපහාසයක් ලෙස සලකන බවත්ය.