බොරැල්ල ප්‍රදේශයේ විදුලි පහන් කණුවක් මතට නැග විරෝධතාවයක නිරත වූ පුද්ගලයෙකු දොඹකරයක් යොදාගනිමින් පහළට ගැනීමට පොලීසිට කටයුතු කර තිබේ.

පොලීසිය පැවසුවේ, මෙම පුද්ගලයා ඔහුට සහ මාර්ගයේ ගමන් කරන රථවාහනවල රියදුරන්ට අනතුරක් සිදුවන අයුරින් එම පහන් කණුව මතට නැග සිටි බවයි.

ඒ හමුවේ පොලිස් නිලධාරින් වහා දොඹකරයක් එම ස්ථානයට යොදවා මුදාගැනීමේ කටයුතු සිදුකර, එම පුද්ගලයා ආරක්ෂිතව පහළට රැගෙනවිත තිබේ.

ඔහුගේ විරෝධයට නිශ්චිත හේතුව සොයා වැඩිදුර විමර්ශන සිදුකෙරෙමින් පවතී.