මේ වසරේ සාමන්‍ය පෙළ විභාගය සඳහා අයැදුම්පත් කැදවීම අදින් අවසන් බව විභාග දෙපාර්තමේන්තුව පවසයි.

මාර්ගගත ක්‍රමවේදය ඔස්සේ පසුගිය මස 05 වැනි දා සිට 30 වැනිදා දක්වා ඒ සඳහා අයැදුම් කිරීමට සිසුන්ට අවස්ථාව හිමිව තිබිණි.

දිවයිනට බලපෑ අයහපත් කාලගුණ තත්ත්වය හමුවේ එම කාලසීමාව අද මධ්‍යම රාත්‍රිය තෙක් දිර්ඝ කරන ලදී.

ඒ අනුව, සාමන්‍ය පෙළ විභාගයට අයැදුම්පත් ඉදිරිපත් නොකළ සිසුන් සිටි නම්, අද මධ්‍යම රාත්‍රියට පෙර කඩිනමින් විභාග දෙපාර්තමේන්තුවේ වෙබ් අඩවියට පිවිස එම පහසුකම සලසාගත හැකියාව පවතින බව විභාග දෙපාර්තමේන්තුව දැනුම්දෙයි.