September 11, 2025
පාසල් ළමුන් ප්රවාහනය සඳහා භාවිත කරන රථවාහන සඳහා නව නීතිරීති මාලාවක් හඳුන්වා දීමට අධ්යාපන අමාත්යාංශය තීරණය කර තිබේ.
ඒ අනුව පාසල් දරුවන්ගේ ආරක්ෂාව තහවුරු කිරීම සඳහා ප්රවාහන අමාත්යාංශය සමඟ එක්ව විශේෂ ඒකාබද්ධ වැඩසටහනක් ක්රියාත්මක කරන බව අධ්යාපන හා උසස් අධ්යාපන නියෝජ්ය අමාත්ය ආචාර්ය මධුර සෙනෙවිරත්න පැවසීය.
නියෝජ්ය අමාත්යවරයා පැවසුවේ, පසුගිය දින කිහිපය තුළ පාසල් ළමුන් ප්රවාහනය කරන වාහන සම්බන්ධ අනතුරු කිහිපයක් වාර්තා වූ බව සහ ළමුන් අනතුරට පත්වූ බවයි.
එහිදී පොදු ප්රවාහන රෙගුලාසි යටතේ පාසල් ළමුන් ප්රවාහනය කිරීම ප්රධාන කරුණක් ලෙස හඳුනාගෙන තිබෙන බව ද ඔහු පැවසුවේය.
එබැවින් පාසල්වලට ළමුන් ප්රවාහනය කිරීමට සහ පාසල් ආශ්රිත කටයුතු සඳහා භාවිත කරන වාහන සඳහා සුදුසු නිර්දේශ අමාත්යාංශය විසින් නිකුත් කරන බව ද නියෝජ්ය අමාත්යවරයා පැවසීය.
පාසල් ළමුන් ප්රවාහනය කරන සියලුම වාහන සඳහා මෙම නව රෙගුලාසි දැඩිව ක්රියාත්මක කරන බවද ඔහු සඳහන් කළේය.
