ඊයේ අත්අඩංගුවට ගැනීමේ වරෙන්තුවක් නිකුත් කරන ලද ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂට ඇප ලබා දී තිබේ.

පාර්ලිමේන්තු මන්ත්‍රී නාමල් රාජපක්ෂට අද හම්බන්තොට මහේස්ත්‍රාත් අධිකරණය හමුවේ පෙනීසිටීමෙන් පසු ඇප ලබා දී ඇත.

අද උදෑසන මාලදිවයිනේ සිට පැමිණි ඔහු මෝසමක් ඉදිරිපත් කරමින් අධිකරණයට පැමිණ ඇති බව වාර්තා වේ.

නාමල් රාජපක්ෂ නියමිත නඩු විභාගයකට පෙනීනොසිටීමෙන් පසු හම්බන්තොට මහේස්ත්‍රාත් අධිකරණය ඊයේ අත්අඩංගුවට ගැනීමේ වරෙන්තුව නිකුත් කළේය.

පාර්ලිමේන්තු මන්ත්‍රී නාමල් රාජපක්ෂ උත්සවයකට සහභාගී වීම සඳහා මාලදිවයිනේ සිටින බව ඒ අවස්ථාවේ වාර්තා විය.