මීගොඩ ප්‍රදේශයේ සිදුවූ වෙඩි තැබීමකින් හෝමාගම හිටපු ප්‍රාදේශීය සභා මන්ත්‍රී ශාන්ත මුදුන්කොටුව මිය ගොස් තිබේ.

පොලිසිය පැවසුවේ වෙඩි තැබීමෙන් තුවාල ලැබූ ඔහු රෝහලට ඇතුළත් කිරීමෙන් පසු මියගොස් ඇති බවයි.

මියගිය පුද්ගලයා යතුරුපැදියකින් ආටිගල පාර ප්‍රදේශයේ ගමන් කරමින් සිටියදී මෝටර් රථයකින් පැමිණි නාඳුනන තුවක්කුකරුවන් විසින් ඔහුට වෙඩි තබා ඇති බව ද අනාවරණ වී ඇතැයි පොලීසිය පවසයි.

වෙඩි වැදීමෙන් තුවාල ලැබූ එම පුද්ගලයා වහා රෝහල් ගත කර ඇති අතර, පසුව ඔහු ජීවිතක්ෂයට පත් විය.

ප්‍රහාරයට සම්බන්ධ සැකකරුවන් අත්අඩංගුවට ගැනීම සඳහා පොලිසිය විමර්ශනයක් ආරම්භ කර තිබේ.