ඉෂාරා සෙව්වන්දිට නවාතැන් පහසුකම් සැලසූ බවට චෝදනා එල්ල වී සිටි මතුගම ප්‍රදේශයේ කාන්තාවක් ඔක්තෝබර් 24 වැනි දින දක්වා රක්ෂිත බන්ධනාගාරගත කිරීමට කොළඹ මහේස්ත්‍රාත් අධිකරණය නියෝග කර තිබේ.

මතුගම වැලිපැන්න ප්‍රදේශයේ නිවසක හිමිකාරිය වන 52 හැවිරිදි මෙම කාන්තාව, සැඟව සිටියදී ඉෂාරා සෙව්වන්දිට නවාතැන් පහසුකම් සැලසීම සම්බන්ධයෙන් මෑතකදී පොලිසිය විසින් අත්අඩංගුවට ගන්නා ලදී.

පාතාල කල්ලි නායක සංජීව කුමාර සමරරත්න නොහොත් ‘ගනේමුල්ල සංජීව’ ඝාතනයේ ප්‍රධාන සැකකාරියක වන ඉෂාර සෙව්වන්දි මෑතකදී නේපාලයේදී අත්අඩංගුවට ගෙන ශ්‍රී ලංකාවට පිටුවහල් කරන ලදී.

අත්අඩංගුවට ගත් මතුගම ප්‍රදේශයේ කාන්තාව පළමුව අධිකරණ වෛද්‍ය නිලධාරි (JMO) විසින් පරීක්ෂාවට ලක්කර පසුව කොළඹ අපරාධ කොට්ඨාශයේ (CCD) නිලධාරීන් විසින් කොළඹ මහේස්ත්‍රාත් අධිකරණයට ඉදිරිපත් කරන ලද බව වාර්තා විය.