මතුගම ප්‍රාදේශීය සභාවේ ස්වාධීන මන්ත්‍රීවරුන් පිරිසක්, සමගි ජන බලවේගයට සහාය ලබා දෙන බවට පොරොන්දු වී ඇති අතර, ජාතික ජන බලවේගය ඔවුන්ගේ සහාය මිලදී ගැනීමට උත්සාහ කළ බවට චෝදනා කරයි.

කණ්ඩායමේ නියෝජිතයෙකු වාර්තාකරුවන්ට පැවසුවේ ජාතික ජන බලවේගයේ සාමාජිකයෙකු විසින් කරන ලද යෝජනාවක් පෙන්වන CCTV දර්ශන ඔවුන් සතුව ඇති නමුත් එම දර්ශන මෙතෙක් ප්‍රසිද්ධියේ නිකුත් කර නොමැති බවයි.

“මූලික සාකච්ඡාව ජාතික ජන බලවේගයේ අමාත්‍යවරයෙකු සමඟ මගේ නිවසේ පැවැත්වුණා. එම රැස්වීමේ CCTV දර්ශන මා සතුව තියෙනවා. ඊළඟ සාකච්ඡා දෙක කොළඹදී පැවැත්වුණා” ප්‍රකාශකයා පැවසුවේ, ඔවුන්ගේ තීරණය මුදල් මත පදනම් නොවූ බවයි.

මන්ත්‍රීවරයාට අනුව, කණ්ඩායමට මුලින්ම පළාත් සභා නාමයෝජනා පිරිනමන බවට් පොරොන්දු වී ඇති අතර, පසුව රුපියල් මිලියන 8 බැගින් මුදල් දීමනාවක් ලබාදෙන බව පවසා ඇත.

ජාතික ජන බලවේගය තවමත් ඒ හා සමාන යෝජනා ඉදිරිපත් කරන බව ඔහු පවසයි.

මන්ත්‍රීවරුන් පැවසුවේ සමගි ජන බලවේගයට සහාය දැක්වීමට ගත් තීරණය මතුගම සංවර්ධනය කිරීමේ ආශාවෙන් ගනු ලැබූ එකක් බවයි.