රුපියල් මිලියන 50ක වටිනාකමින් යුත් විදේශීය දුම්වැටි තොගයක් රේගු මධ්‍යම බුද්ධි අංශයේ නිලධාරීන් කණ්ඩායමක් විසින් බණ්ඩාරනායක අන්තර්ජාතික ගුවන්තොටුපොළ ගැල් ගම්මානයේදී අත්අඩංගුවට ගෙන ඇත.

කටුනායක ගුවන් තොටුපොළේ මෙන්ම ගැල් ගම්මානයේදී මෑත ඉතිහාසය තුළ අත්අඩංගුවට ගත් විශාලතම සහ පළමු දුම්වැටි තොගය මෙය බව රේගුව පවසයි.

මිලියන 2.23 ක විදේශීය දුම්වැටි කූරු තුවා සහ ප්ලාස්ටික් කෝප්ප ලෙස ව්‍යාජ ලෙස සඳහන් කළ ඇසුරුම්වල බහා මෙලෙස ඩුබායි හරහා ලන්ඩන්, සිඩ්නි සහ මෙල්බර්න් ගුවන් තොටුපලවල් වෙත ප්‍රවාහනය කර ඇතැයි අනාවරණ වී තිබේ.

රේගු නිලධාරීන්ට මෙරට රේගු ආඥාපනත යටතේ ප්‍රවාහනයේදී අසුරා ඇති භාණ්ඩ පිළිබඳ නිසි ලෙස ප්‍රකාශ කළ යුතුය.

අතිරේක රේගු අධ්‍යක්ෂ ජනරාල් සීවලී අරුක්ගොඩ පැවසුවේ, නීතිවිරෝධී දුම්කොළ වෙළඳාම වැළැක්වීම සඳහා 2016 අන්තර්ජාතික සම්මුතියකට ශ්‍රී ලංකාව නීත්‍යානුකූලව බැඳීසිටින බවයි.

අත්අඩංගුවට ගත් දුම්වැටි තොගය විමර්ශනවලින් අනතුරුව විනාශ කිරීම සඳහා ශ්‍රී ලංකා දුම්කොළ සමාගමට භාර දී ඇත.