කුරුන්දි පුරාවිද්‍යා රක්ෂිත ඉඩම අනවසරයෙන් වගාකිරීමට පිරිසක් පියවර ගෙන තිබේ.

ට්‍රැක්ටරයක් ​​භාවිත කර කුරුන්දි ප්‍රදේශයේ ඉඩම් සකස් කර ඇත.

මේ පිළිබඳව උතුරු පළාත් සංඝනායක සහ කුරුන්දි රජමහා විහාරාධිපති පූජ්‍ය ගල්ගමුවේ ශාන්තබෝධි හිමියන්ගෙන් ජනමාධ්‍ය කළ විමසීමකදී උන්වහන්සේ පවසා ඇත්තේ, පොලිස් නිලධාරීන්ගේ නියෝග නොසළකා හරිමින් පුද්ගලයෙක් දැනටමත් මෙම ඉඩමෙන් අක්කර භාගයක් පමණ එළිපෙහෙළි කර ඇති බවයි.

අදාළ පුද්ගලයාට දේශපාලන සම්බන්ධතා ඇති බවත්, මේ සම්බන්ධයෙන් පොලිස් පැමිණිල්ලක් ගොනුකර ඇති බවත් උන්වහන්සේ පවසා ඇත.

උතුරු පළාතේ මෙවැනි අනවසර වගාකිරීම් සහ කැණීම් අඛණ්ඩව සිදුවෙමින් පවතී.

කෙසේවෙතත්, ඇතැම් අවස්ථාවන්හිදී පරීක්ෂණ සිදුකළද, එවැනි සිදුවීම් තවමත් සිදුවන බව උන්වහන්සේ වැඩිදුරටත් පවසා ඇත.