July 20, 2023
සෞඛ්‍ය ඇමැතිවරයා ප්‍රමිතියෙන් තොර ඖෂධ ආනයනය කිරීම හේතුවෙන් සිදුවන ජීවිත හානි වැළැක්වීමට අවශ්‍ය පියවර ගැනීමට අපොහොසත්වීම සම්බන්ධයෙන් දැඩි විවේචන එල්ලවී තිබේ.
බස්නාහිර පළාතේ රජයේ රෝහලක් සිසේරියන් සැත්කම් සිදුකිරීමට අවශ්‍ය ඖෂධවල බරපතළ හිඟයකට මුහුණ පා සිටින බව විපක්ෂ නායක සජිත් ප්‍රේමදාස කරන ලද හෙළිදරව්ව එහි නවතම ප්‍රගතියයි.
සිසේරියන් සැත්කම් සඳහා භාවිත කරන ‘හෙවි මාකේන්’ ඖෂධයේ හිඟයක් පවතින බව කළුතර ශික්ෂණ රෝහලේ අධ්‍යක්ෂ වෛද්‍ය එස්.එම්.පී.කරුණාරත්න හෙළිකළ ලිපියක් උපුටා දක්වමින් ඔහු පාර්ලිමේන්තුවේදී සඳහන් කළේය.
“අධ්‍යක්ෂවරිය කියනවා මේ බෙහෙතේ කුප්පි 17ක් විතරයි ඉතුරු වෙලා තියෙන්නේ. මේ කුප්පි පවත්වාගෙන යන්නේ අතිශය අත්‍යවශ්‍ය කාරණා සඳහායි. ඒ නිසා කළුතර ශික්ෂණ රෝහලේ සිසේරියන් සැත්කම් නතර කරලා තියෙනවා,” ඔහු පාර්ලිමේන්තුවේදී පැවැසීය.
කෙසේ වෙතත්, මුදල් රාජ්‍ය ඇමැති රංජිත් සියඹලාපිටිය පවසන පරිදි ඖෂධ සහ වෛද්‍ය අවශ්‍යතා සඳහා මුදල් නිදහස් කිරීමට මුදල් අමාත්‍යාංශය ප්‍රමුඛත්වය ලබා දී ඇත.
මෙහිදී සෞඛ්‍ය ඇමැති කෙහෙළිය රඹුක්වැල්ල කළුතර ශික්ෂණ රෝහලේ අධ්‍යක්ෂවරියට බැණ වැදුණේ හිඟයක් ඇත්නම් වෛද්‍ය සැපයුම් අංශයට දැනුම් දිය යුතුව තිබූ බව පවසමිනි.
හෙවි මාකේන් වර්ගයේ ඖෂධ කුප්පි 30,000ක් තොගයේ තිබෙන බවත්, තවත් කුප්පි කළුතර ශික්ෂණ රෝහලට භාරදුන් බවත් ඔහු වැඩිදුරටත් සඳහන් කළේය.
42.31%
