ශ්‍රී ලංකා වෙඩිතැබීමේ ක්‍රීඩාව ලද සුවිශේෂී ජයග්‍රහණයක් සටහන් කරමින්, 13 හැවිරිදි කායෙල් ලියනගේ, මැයි 12 සිට 25 දක්වා චෙක් ජනරජයේ ස්නොජ්මෝ හි පැවැති 2025 IPSC PCC සහ මිනි රයිෆල් ලෝක වෙඩිතැබීමේ තරඟාවලියේදී සුපර් ජූනියර් කාණ්ඩයේ ලෝකඩ පදක්කම දිනාගත්තේය.

මෙය ප්‍රායෝගික වෙඩිතැබීමේ ලෝක ශූරතාවලියේදී ශ්‍රී ලංකාව ලබාගත් පළමු තනි පදක්කම වේ.

කායෙල් ශ්‍රී ලංකා පීසීසී කණ්ඩායම නියෝජනය කළේ, කණ්ඩායමේ සාමාජිකයන් වන ඩැනියෙල් කාඕ සහ සැන්ඩිල් කෝට්ටේගොඩ සමඟිනි.

මෙම තිදෙනා රටවල් 60 කට වැඩි ගණනක ප්‍රවීණ වෙඩික්කරුවන් 1000කට අධික සංඛ්‍යාවක් සමඟ තරඟ කළ අතර, පිස්තෝල කැලිබර් කාබයින් (PCC) අංශයේ ඔවුන්ගේ කුසලතා ප්‍රදර්ශනය කළහ.

තරඟය, අභියෝගාත්මක අදියර 24 ක් හරහා සහභාගිවන්නන් පරීක්ෂා කරමින්, හොඩොනිස් සහ ඔබ්ලෙකොවිස් යන ප්‍රසිද්ධ වෙඩිතැබීමේ පරාසයන් දෙකක් පුරා විහිදී ගියේය.

සුපර් ජූනියර් කාණ්ඩයේ කායෙල්ගේ සුවිශේෂී දස්කම් ඔහුට ජයග්‍රාහි නිමාවක් ලබ දුන්නා පමණක් නොව, ශ්‍රී ලංකාවේ වෙඩික්කරුවන් සඳහා නව මිණුම් ලකුණක් ද පිහිටුවීය.