September 4, 2025
ව්‍යාජ අංක තහඩුවක් සවිකළ මෝටර් රථයක් ධාවනය කරමින් සිටි වෛද්‍යවරියක මහනුවර කොට්ඨාස අපරාධ විමර්ශන කාර්යාංශය විසින් පෙරේදා (02) අත්අඩංගුවට ගෙන ඇත.
මෙම වෛද්‍යවරිය පේරාදෙණිය සිරිමාවෝ බණ්ඩාරනායක රෝහලේ සේවයේ නිරතව සිටින්නියක් බව පොලීසිය සඳහන් කරයි.
මහනුවර–පේරාදෙණිය මාර්ගයේ සුමායා ගාඩ්න් අතුරු මාර්ගයේදී මෙම මෝටර් රථය පොලිස් භාරයට ගත් බව පොලිසිය පවසයි.
මෙම වෛද්‍යවරියගේ සැමියා ද එම රෝහලේම සේවයේ නිරතව සිටින අයෙකි.
මෝටර් රථය සිය සැමියාට අයත් එකක් බව ඇය ප්‍රශ්න කිරීමේදී පවසා ඇත.
මෙසේ ව්‍යාජ අංකයක් ඇලියොන් වර්ගයේ මෝටර් රථයේ සවිකර ධාවනය කිරීම සම්බන්ධයෙන් විමර්ශන පැවැත්වෙන බව පොලීසිය සඳහන් කරයි.
