ශ්‍රීලන්කන් ගුවන් සමාගමේ හිටපු අධ්‍යක්ෂිකා ශමින්ත්‍ර රාජපක්ෂ සහ බිරිඳ වන ප්‍රියංකා නියෝමාලි යන අය එම නඩුවේ සැකකරුවන් ලෙස නම් කර ඇති බව අල්ලස් හෝ දූෂණ චෝදනා විමර්ශන කොමිසම අධිකරණයට දැනුම් දුන්නේය.

කොමිසම තවදුරටත් ප්‍රකාශ කළේ දෙදෙනාම දැනට විදේශගතව සිටින බවත්, කොමිසම හමුවේ පෙනී සිට ප්‍රකාශ ලබාදෙන ලෙස ඔවුන්ට දැනුම් දී ඇතත්, ඔවුන් එසේ කිරීමට අපොහොසත් වී ඇති බවයි.

ඒ අනුව, ඔවුන් අත්අඩංගුවට ගැනීම සඳහා වරෙන්තු නිකුත් කරන ලෙස කොමිසම අධිකරණයෙන් ඉල්ලා සිටියේය.

චෝදනා එල්ල වී ඇති ගනුදෙනුවට අදාළ අරමුදල් ශමින්ත්‍ර රාජපක්ෂට අයත් ගිණුමකට මාරු කර ඇති බව ද විමර්ශනවලින් හෙළි වී තිබේ.

සැකකරුවන් දෙදෙනාට එරෙහිව වරෙන්තු ඉල්ලීම සම්බන්ධයෙන්, අල්ලස් හෝ දූෂණ චෝදනා විමර්ශන කොමිසම විසින් කරන ලද ඉල්ලීමට අදාළ සාක්ෂි සටහන් කර ගැනීම සඳහා නඩුව මාර්තු 24 වැනිදා කැඳවීමට මහේස්ත්‍රාත්වරයා නියෝග කළේය.