May 26, 2025
බොහෝදෙනා අපේක්ෂා කළ සත්ව සංගණනය බරපතල ගැටලුවකට මුහුණ දී ඇති අතර, දත්ත රැස්කිරීමේ සහ ඒවායේ වලංගුතාවේ පවතින ප්රධාන ගැටළු හේතුවෙන් එහි අවසන් වාර්තාව නැවත වරක් ප්රමාද වී ඇති බව වාර්තා වේ.
සංගණන ප්රතිඵල විශ්ලේෂණය කිරීම භාර කමිටුව දිස්ත්රික්ක කිහිපයකින් ලැබුණු විකෘති සහ අසම්පූර්ණ දත්ත සමඟ පොරබදමින් සිටින බව පැවැසේ.
මෙය අවසාන සංඛ්යාලේඛනවල විශ්වසනීයත්වය පිළිබඳ කනස්සල්ල මතුව ඇති අතර, සමහර මූලාශ්ර පවා පෙන්වාදෙන්නේ, සමස්ත සංගණනයම අසාර්ථක වියහැකි බවයි.
කෙටුම්පත් වාර්තාව මුලින් මාර්තු 28 වැනි දින කෘෂිකර්ම අමාත්යාංශයට භාර දීමට නියමිතව තිබිණි.
කෙසේවෙතත්, කමිටුවට තවමත් ප්රමාණවත් විශ්වාසදායක තොරතුරු ලැබී නොමැති බැවින් අවසාන දිනය මගහැරිණි.
දිස්ත්රික්ක කිහිපයකින් දත්ත දැන් ලැබෙමින් පවතින නමුත්, එයින් වැඩි ප්රමාණයක් සාවද්ය බව පෙනෙන අතර, නැවත සමාලෝචනය කිරීමට අවශ්ය වනු ඇති බව ජ්යෙෂ්ඨ නිලධාරියෙක් ජනමධ්ය වෙත පවසා තිබේ.
මෙම අඛණ්ඩ අභියෝග හේතුවෙන්, මෙම අවස්ථාවේදී නිශ්චිත සංඛ්යා අනාවරණය කිරීම ප්රායෝගික නොවන බව වාර්තා පෙන්වාදෙයි.
කෙසේවෙතත්, දත්ත සම්බන්ධ ගැටලු නිරාකරණය කිරීමේ ප්රගතිය අනුව ඉදිරි සති දෙක තුළ අවසාන ප්රතිඵල ප්රකාශයට පත්කළ හැකි බව එම නිලධාරියා වැඩිදුරටත් පවසා ඇත.
