ශ්‍රී ලාංකික නීතිවිරෝධී සංක්‍රමණිකයන් 1,608 දෙනෙකු ආපසු ගෙන්වා ගැනීමට මැලේසියාවේ ශ්‍රී ලංකා මහ කොමසාරිස් කාර්යාලය පහසුකම් සලසා තිබේ.

මෙම මෙහෙයුම මාර්තු 1 වැනිදා සිට අප්‍රේල් 30 වැනිදා දක්වා මාස දෙකක කාලයක් තුළ මැලේසියානු රජයේ සංක්‍රමණිකයන් නැවත ගෙන්වා ගැනීමේ වැඩසටහන සමඟ සම්බන්ධීකරණයෙන් සිදුකර ඇත.

මෙම නැවත ගෙන්වා ගැනීමේ වැඩසටහන ආරම්භ කිරීමට පෙර, ජනවාරි 1 සිට පෙබරවාරි 28 දක්වා, විවිධ දුෂ්කරතා සමඟ මැලේසියාවේ අතරමංව සිටි නීතිවිරෝධී සංක්‍රමණිකයන් 124 දෙනෙකු ආපසු ගෙන්වා ගැනීමට මහ කොමසාරිස් කාර්යාලය පහසුකම් සලසා දී තිබේ.

මේ අනුව නැවත මෙරටට ගෙන්වා ගත් සංඛ්‍යාව 1,732ක් දක්වා ඉහළ යයි.