විවිධ කණ්ඩායම් වෙතින් එල්ල වන ගැටලු නොතකා ඉදිරි වසර පහ සඳහා තල්මසුන් දඩයම් කිරීමට අයිස්ලන්තය අවසර දී ඇත.

නව බලපත්‍ර අනුව, සෑම වසරකම ජුනි සිට සැප්තැම්බර් දක්වා දිවෙන තල්මසුන් දඩයම් කිරීමේ කාලය තුළ වරල් තල්මසුන් 209ක් සහ මින්කේ තල්මසුන් 217ක් අල්ලා ගත හැකියි.

අයිස්ලන්ත රජයේ මෙම පියවර සත්ව අයිතිවාසිකම් සහ පාරිසරික කණ්ඩායම් දැඩිව හෙළාදැක තිබේ.

නමුත් බලපත්‍ර සඳහා වූ නිල නිවේදනයක දැක්වුණේ බලපත්‍ර මගින් කර්මාන්තය සඳහා ‘යම් පුරෝකථනයක්’ සහතික කර ඇති අතර, දඩයම් කළ හැකි තල්මසුන් සංඛ්‍යාවට සීමාවන් පනවා ඇති බවයි.

ජපානය සහ නෝර්වේ මෙන්ම අයිස්ලන්තය ද මස්, බ්ලූබර් සහ තෙල් සඳහා තල්මසුන් දඩයම් කිරීමට ඉඩ දෙන එක් රටකි.

අයිස්ලන්තයෙන් ඔබ්බට දඩයම් කිරීමට අවසර ඇත්තේ වරල් සහ මින්කේ තල්මසුන් පමණක් වන අතර අනෙකුත් තල්මසුන් ගහනය ආරක්ෂා කර ඇත.

තල්මසුන් දඩයම සඳහා අයිස්ලන්තය සාමාන්‍යයෙන් වසර පහක කාලසීමාවන් සඳහා බලපත්‍ර නිකුත් කරන අතර මීට පෙර ඒවා 2023 දී කල් ඉකුත් විය.

එම කාලය තුළ දී වරල් තල්මසුන් 24ක් මරා දමා ඇති අතර සමස්ත සංඛ්‍යාව 209ක් බව පැවසේ.