පසුගිය සතිවලදී, ඉන්දියාවේ ජනප්‍රිය සංචාරක ගමනාන්තයක් වන ගෝවා ප්‍රාන්තය, ශ්‍රී ලංකාව වැනි අනෙකුත් අන්තර්ජාතික සංචාරක ගමනාන්ත හා සසඳන විට සංචාරක යටිතල පහසුකම් සංවර්ධනයක් නොමැතිකම හේතුවෙන් දේශීය සංචාරකයන්ගේ සහ විදේශීය සංචාරකයින්ගේ විවේචනයට ලක්විය.

මේ සතියේ ගෝවේ සංචාරක දෙපාර්තමේන්තුව ප්‍රකාශයක් නිකුත් කරමින් කියාසිටියේ, ඉන්දියාවේ මෙම ප්‍රාන්තය ශ්‍රී ලංකාව වැනි විදේශ රටකට සංසන්දනය කිරීමෙන් ‘නිවැරදි ඉදිරි දර්ශනයක්’ ලැබිය හැකි බවයි.

පහසුකම් පිළිබඳ ගැටළු හේතුවෙන් සංචාරකයන් රැසක් පසුගිය වකවානුවේ සිය ගෝවා සංචාර අවලංගු කරවාගෙන තිබුණු අතර,බොහෝ සංචාරකයන් ඒ වෙනුවට ශ්‍රී ලංකාව, තායිලන්තය හෝ වියට්නාමය වෙත පැමිණීමට කැමැත්තක් දක්වන බව ප්‍රදර්ශනය කර තිබිණි.

ඇතැම් සංචාරකයන් ගෝවා වෙත ට්විටර් (X) සමාජ මාධ්‍ය වේදිකාව ඔස්සේ චෝදනා කරමින් සටහන් තබා තිබුණේ, ප්‍රමාණවත් පොදු ප්‍රවාහනයක් නොමැතිකම හේතුවෙන් ගෝවාවල කුලී රථ මාෆියාවක් ක්‍රියාත්මක වන බවත්, හෝටල්වල මිල ගණන් ඉතා ඉහළ බවත් ය.

එසේම ගෝවාවල පිරිසිදුකම ගැනද ඇතැමුන් චෝදනා කර තිබිණි.