June 26, 2023
ශ්‍රී ලංකා විදේශ ඇමැති අලි සබ්රි ඊයේ (25) බෙයිජින්හිදී චීනයේ විදේශ ඇමැති ක්වින් ගැන්ග් (Qin Gang) හමුවිය.
චීනය සහ ශ්‍රී ලංකාව අතර රාජ්‍ය තාන්ත්‍රික සබඳතා ආරම්භ කළ දා සිට දෙපාර්ශ්වය සැමවිටම එකිනෙකාට ගෞරව කරමින් සහය වෙමින් විශාල සහ කුඩා රටවල් අතර මිත්‍රශීලී සහජීවනය සහ අන්‍යෝන්‍ය වශයෙන් වාසිදායක සහයෝගීතාව පිළිබඳ හොඳ ආදර්ශයක් සපයා ඇති බව චීන විදේශ ඇමැතිවරයා එහිදී පවසා ඇත.
“ශ්‍රී ලංකාව සමඟ ඇති උපායමාර්ගික සහයෝගිතා හවුල්කාරිත්වය තහවුරු කිරීමට සහ පුළුල් කිරීමට චීනය සූදානම්. දෙපාර්ශවය විසින් දෙරටේ නායකයින් විසින් ඇති කර ගත් වැදගත් එකඟතාවය ක්‍රියාවට නැංවිය යුතුය. ඉහළ මට්ටමේ හුවමාරු තීව්‍ර කළ යුතුය. ජනතාව අතර සහ සංස්කෘතික හුවමාරුව පුළුල් කළ යුතුය. ඒ වෙනුවෙන් ‘එක් මාවතක්-එක් තිරයක්’ වැඩසටහනේ ඒකාබද්ධ ඉදිකිරීම් ප්‍රවර්ධනය කළ යුතුය.” යැයි චීන ඇමතිවරයා එහිදී අවධාරණය කර තිබේ.
ශ්‍රී ලංකාවේ ආර්ථික හා සමාජීය සංවර්ධනය සහ ජනතාවගේ ජීවනෝපාය වැඩිදියුණු කිරීම සඳහා චීනය සිය හැකියාව තුළ අඛණ්ඩව සහාය ලබාදෙන බව ඔහු වැඩිදුරටත් පවසා ඇත.
චීනය ශ්‍රේෂ්ඨ මිතුරකු සහ වැදගත් සංවර්ධන හවුල්කරුවකු බවත්, දීර්ඝ කාලයක් තිස්සේ ශ්‍රී ලංකාවේ ජාතික නිදහස සහ ආර්ථික සංවර්ධනය සඳහා චීන රජය සහ ජනතාවගේ පරාර්ථකාමී සහාය අගය කරන බවත්, ඒ සම්බන්ධයෙන් කටයුතු කිරීමේදී චීනය දක්වන වටිනා සහයෝගයට ස්තූතිවන්ත වන බවත් ඇමැති අලි සබ්රි එහිදී පවසා ඇත.
