විදුලිබිල සංශෝධනය කිරීමට රජය සුදානම්වන ආකාරය පිළිබඳව විදුලිබල හා බලශක්ති ඇමැති කාංචන විජේසේකර අද (24) පාර්ලිමේන්තුවේ දී අනාවරණය කළේය.

ඒ අනුව විදුලිය ඒකක 0 – 30 දක්වා කාණ්ඩය වෙනුවෙන් දැනට පවතින ඒකකයක මිල රුපියල් 5කින් අඩුකර ඇත. ඒ අනුව
එම කාණ්ඩය සඳහා ඒකකයක නව මිල රුපියල් 25කි.

මේ අතර ස්ථාවර ගාස්තුව රුපියල් 400ක සිට රුපියල් 250 දක්වා අඩුකිරීමටද යෝජනාවී ඇත.

එහිදී විදුලිබිල සඳහා පළමු කාණ්ඩයට අවමය 23%ක සහනයක් ලබා දී ඇති බව පැවසු ඇමැතිවරයා, අදාළ සහනය මෙරට පවුල් 1,744,000ක් වෙත ලැබෙන බව පෙන්වාදුන්නේය.

ඒකක 31 – 60 දක්වා විදුලිබිල 09%කින් අඩුවන අතර, එහිදී ඒකක 0 – 60 දක්වා 07%කින් විදුලි බිල අඩුකිරීමට සැලසුම් කර ඇත.

ඒකක 0 – 30 දක්වා පාවිච්චි කරන ආගමික සිද්ධස්ථාන 15,646ක් සඳහා ජූලි මාසයේ විදුලිබිල 23%කින් අඩුකිරීමට නියමිත අතර, ඒකක 31 – 60ත් අතර පාවිච්චි කරන ආගමික සිද්ධස්ථාන 10,692ක් සඳහා විදුලිබිල 07%කින් පහත දැමීමටද යෝජනා කර තිබේ.

හෝටල් කාණ්ඩය සඳහා 29% – 40% අතර විදුලිබිල අඩු කිරීමක් සිදුකිරීමට යෝජනා කර ඇත.