සංවිධානාත්මක අපරාධකරුවෙකුට ගිනිඅවියක් ලබාදීමේ චෝදනාව සම්බන්ධයෙන් සිදුකරන ලද විමර්ශනයකට අදාළව රක්ෂිත බන්ධනාගාරගත කර සිටි හිටපු අමාත්‍ය ඩග්ලස් දේවානන්දාට ඇප ලබා දී තිබේ.

අද (09) ඔහු ගම්පහ මහේස්ත්‍රාත් අධිකරණයට ඉදිරිපත් කරන ලද අතර, එහිදී මහේස්ත්‍රාත්වරයා ඔහු ඇප මත මුදාහැරීමට නියෝග කළේය.

2001 දී හමුදාව විසින් පෞද්ගලික භාවිතය සඳහා ඔහුට නිකුත් කරන ලද ගිනි අවියක් 2019 දී සංවිධානාත්මක අපරාධකරුවකු වන මාකඳුරේ මධුෂ්ගෙන් ප්‍රශ්න කිරීමේදී සොයාගෙන තිබේ.

ඩග්ලස් දේවානන්දා අත්අඩංගුවට ගෙන රිමාන්ඩ් කරන ලද්දේ මේ සම්බන්ධයෙනි.