එක්සත් අරාබි එමීර් රාජ්‍යයේ DP World ILT20 තරඟාවලියේ සිව්වැනි අදියර සඳහා රඳවා ගනු ලැබූ ක්‍රීඩකයන් හත් දෙනෙකුගේ සහ සෘජු ගිවිසුමක් සහිත ක්‍රීඩකයකුගේ නම් ඩෙසර්ට් වයිපර්ස් විසින් ප්‍රකාශයට පත් කර ඇත.

නායක ලොකී ෆර්ගියුසන් නැවත පැමිණෙන ක්‍රීඩකයන්ගේ ලැයිස්තුවේ පෙරමුණ ගෙන සිටින අතර, තුන් ඉරියව් ක්‍රීඩක සෑම් කරන් සහ තරඟාවලියේ ඉතිහාසය පුරා වයිපර්ස් වෙනුවෙන් නිරන්තරයෙන් පෙනී සිටින ශ්‍රී ලංකාවේ දඟ පන්දු යවන ක්‍රීඩක වනිඳු හසරංග ද ලැයිස්තුවට ඇතුළත් වේ.

ඩෙසර්ට් වයිපර්ස් විසින් රඳවා ගනු ලැබූ ක්‍රීඩක ලැයිස්තුවට ලොකී ෆර්ගියුසන් (ENG), වනිඳු හසරංග (SL), සෑම් කරන් (ENG), මැක්ස් හෝල්ඩන් (ENG)ඩෑන් ලෝරන්ස් (ENG), ඩේවිඩ් පේන් (ENG), කුසයිමා බින් තන්වීර් (UAE) ඇතුළත්ව සිටිති.

සෘජු අත්සන් කිරීමේ කොන්ත්‍රාත් යටතේ ඇන්ඩ්‍රිස් ගවුස් (USA ) බඳවා ගැනීමට නියමිතය.

එක්සත් අරාබි එමීර් රාජ්‍යයේ ක්‍රිකට් අධ්‍යක්ෂ ටොම් මූඩි විසින් ඩෙසර්ට් වයිපර්ස් වෙනුවෙන් රඳවා ගත් ක්‍රීඩකයන් පිළිගෙන තිබේ.

එම රඳවා ගත් ලැයිස්තුවේ කිසිදු පකිස්ථාන ක්‍රීඩකයකු ඇතුළත් නොවූවත්, ඔවුන් නිසැකවම කණ්ඩායමේ පුළුල් උපාය මාර්ගයේ කොටසක් බව ඔහු පැහැදිලි කළේය.

රඳවා ගනු ලැබූ ක්‍රීඩකයන් තෝරා ගත් ආකාරය ගැන අදහස් දක්වමින් ක්‍රිකට් අධ්‍යක්ෂවරයා පැවසුවේ “ILT20 හි පළමු වසර තුන තුළ අපි මූලික කණ්ඩායමක් සමඟ දිගු සම්බන්ධතාවක් ගොඩනඟා ගෙන තිබුණා, අපගේ ක්‍රීඩා කණ්ඩායම සමඟ එම අඛණ්ඩතාව සහ අනුකූලතාව පවත්වා ගැනීමට උත්සාහ කිරීම ගැන අපි ආඩම්බර වෙනවා, නමුත් එය ක්‍රීඩකයන් අට දෙනෙකුට සීමා වීම අභියෝගයක් වුණා.” යනුවෙනි.