ශ්‍රී ලංකාවේ උපත ලැබූවකු වන, බ්‍රිතාන්‍ය ඔලිම්පික් පිහිනුම් ශූර ඩේවිඩ් විල්කි මියගොස් තිබේ.

මියයන විට ඔහු 70 වැනි වියේ පසුවිය.

ඩේවිඩ් විල්කි 1976 වසරේ මොන්ට්‍රියෙල්හි පැවති ඔලිම්පික් උලෙළේදී මීටර් 200 ළය ආර රන් පදක්කම දිනාගත් අතර ඊට අමතරව ඔහු තවත් ඔලිම්පික් රිදී පදක්කම් දෙකකට සහ ලෝක ශූරතා තුනකට ද හිමිකම් කියයි.

ඔහුගේ පවුලේ අය ප්‍රකාශයක් නිකුත් කරමින් කියා සිටියේ: “ඩේවිඩ් විල්කි පිළිකාව සමඟ ඔහුගේ නිර්භීත සටනෙන් පසු අද උදෑසන ඔහුගේ පවුලේ අය සමග සිටියදී සාමකාමීව මියගිය බව ප්‍රකාශ කරන්නේ ඉතා කණගාටුවෙනි” යනුවෙනි.

ස්කොට්ලන්ත ජාතික මව්පියන්ට දාව ශ්‍රී ලංකාවේ උපත ලද විල්කි 1970 එඩින්බරෝ හි පැවති පොදුරාජ්‍ය මණ්ඩලීය ක්‍රීඩා උළෙලේදී ලෝකඩ පදක්කමක් සමඟින් සිය පළමු ප්‍රධාන පදක්කම දිනා ගත්තේය.

ඔහු 1972 මියුනික් හි ඔලිම්පික් රිදී පදක්කමක් දිනා ඊළඟ වසරේ ලෝක ශූරතාවලියේ රන් පදක්කම දිනා ගත්තේය.

විල්කි 1974 දී රන් පදක්කම් දෙකක් ඇතුළුව තවත් පොදු රාජ්‍ය මණ්ඩලයීය පදක්කම් තුනක් ස්කොට්ලන්තයට එක් කළේය.

1975 දී ඔහු ලෝක මට්ටමින් මීටර් 100 සහ මීටර් 200 ළය ආර ද්විත්වය සම්පූර්ණ කළ අතර ඔහු එම වසරේ බ්‍රිතාන්‍ය ක්‍රීඩා පෞරුෂය ලෙස ද තේරී පත් විය.

විල්කිගේ ක්‍රීඩා දිවියේ කිරුළු පැළඳීමේ අවස්ථාව පැමිණියේ මොන්ට්‍රියෙල්හි දී වන අතර ඔහුගේ ඔලිම්පික් ජයග්‍රහණය සටහන් වන්නේ ලෝක වාර්තාගත කාලයෙන් තත්පර තුනකට වඩා අඩු කාලයක් ඇතුළතය.

ඔහු කැනඩාවේ දී මීටර් 100 ඉසව්වෙන් දෙවැනි ස්ථානයට ද පත්විය.

වසර හතරක් පුරා මීටර් 200 ශූරයාව සිටි ඔහු ඉතිහාසයට එක්ව තිබුණේ වසර 68කට පසු පිහුනුම් ඉසව්වකින් ඔලිම්පික් රන් සංචිතයේ රන් දිනූ පළමු බ්‍රිතාන්‍ය ජාතිකයා ලෙසයි.

ඔහු ක්‍රීඩා උළෙලෙන් මාසයකට පසු, වයස අවුරුදු 22 දී විශ්‍රාම යාමට තීරණය කළේය.

විල්කි 1977 දී Member of the Order of the British Empire හෙවත් MBE සම්මානයෙන් පිදුම් ලැබීය.