පිළිකා රෝගීන් සඳහා ඖෂධයක් ආනයනය කර භාවිත කිරීමට එරෙහිව පාර්ලිමේන්තු මන්ත්‍රී මුජිබර් රහ්මාන් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර ඇත.

“මම දන්නා රෝගියෙකුට මෙම ඖෂධය පාවිච්චි කරලා තියෙනවා. ඇය පිළිකාවෙන් පෙළෙනවා. මෙම ඖෂධය අකාර්යක්ෂම බව ඔප්පු වී ඇති බව වෛද්‍යවරු දැනුම්දීලා. එසේම, මෙම ඖෂධය ලියාපදිංචි කර නැති බව ජාතික ඖෂධ නියාමන අධිකාරිය වෙතින් අපට දැනගන්නට ලැබී තිබෙනවා. ඒ නිසා මම අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කිරීමට තීරණය කළා. අපි මේ ගැන සාධාරණ පරීක්ෂණයක් ඉල්ලා සිටිනවා” යැයි පාර්ලිමේන්තු මන්ත්‍රී රහ්මාන් ජනමාධ්‍ය වෙත පවසා ඇත.