දකුණු අප්‍රිකාවට එරෙහිව කොළඹදී පසුගිය සිකුරාදා පැවැති කාන්තා ත්‍රිත්ව තරඟාවලියේදී ICC චර්යාධර්ම සංග්‍රහයේ 1 වැනි මට්ටම උල්ලංඝනය කිරීම සම්බන්ධයෙන් ශ්‍රී ලංකා නායිකා චමරි අතපත්තුට ඇගේ තරඟ ගාස්තුවෙන් සියයට 10 ක දඩයක් නියම කර තිබේ.

“අන්තර්ජාතික තරඟයක් අතරතුර ක්‍රිකට් උපකරණ හෝ ඇඳුම්, උපාංග අනිසි ලෙස භාවිත කිරීම” සම්බන්ධ ICC චර්යාධර්ම සංග්‍රහයේ 2.2 වගන්තිය ක්‍රීඩිකාවන් සහ ක්‍රීඩිකාවන්ගේ සහායක පිරිස් උල්ලංඝනය කිරීම සම්බන්ධයෙන් අතපත්තු උල්ලංඝනය කර ඇති බව සොයාගෙන ඇති බව ICCය නිවේදනයක් නිකුත් කරමින් පවසයි.

පසුගිය මාස 24 ක කාලයක් තුළ සිදු වූ පළමු වරද මෙය වන අතර, චමරි අතපත්තුගේ විනය වාර්තාවට එක් අගෞරව ලකුණක් එකතු කර ඇත.

මෙම සිදුවීම දකුණු අප්‍රිකානු ඉනිමේ 32 වැනි ඕවරයේදී සිදු වූ අතර, ඇනරි ඩර්ක්සන් විසින් හතරේ පහරක් එල්ල කිරීමෙන් පසු, චමරි අතපත්තු ඇගේ අව් කණ්ණාඩි ගලවා බිම දමා ගැසූ අතර එය කැබලි කිහිපයකට කැඩීගියේය.

අතපත්තු වරද පිළිගෙන එමිරේට්ස් ICC අන්තර්ජාතික තරග තීරක මණ්ඩලයේ මිෂෙල් පෙරෙයිරා විසින් යෝජනා කරන ලද දඬුවම පිළිගත් බැවින් ඒ සම්බන්ධයෙන් විධිමත් විභාගයක් අවශ්‍ය නොවීය.

පිටියේ විනිසුරුවරුන් වන ඇනා හැරිස් සහ දේදුනු ද සිල්වා, තුන්වැනි විනිසුරු ලින්ඩන් හැනිබල් සහ සිව්වන විනිසුරු නිමාලි පෙරේරා චෝදනාව ඉදිරිපත් කළහ.

1 වැනි මට්ටමේ උල්ලංඝනයන් සඳහා නිල තරවටු කිරීමේ අවම දඬුවමක්, ක්‍රීඩකයකුගේ තරග ගාස්තුවෙන් සියයට 50 ක උපරිම දඬුවමක් සහ දඬුවම් ලකුණු එකක් හෝ දෙකක් ඇතුළත් වේ.