අලුත්කඩේ අධිකරණ සංකීර්ණයේ වෙඩි තැබීමේ සිද්ධියේ සැකකරුගේ බවට හැඟවෙන සමාජ මාධ්‍යවල හුවමාරුවන සමහර ඡායාරූප සැබෑ නොවන අතර ඒවා AI තාක්ෂණය භාවිතයෙන් සංස්කරණය කර ඇති බව මහජන ආරක්ෂක අමාත්‍ය ආනන්ද විජේපාල අද පැවැසීය.

පාර්ලිමේන්තු මන්ත්‍රී චාමර සම්පත් දසනායකගේ ප්‍රශ්නයකට පිළිතුරු දෙමින් අමාත්‍යවරයා පාර්ලිමේන්තුවේදී මේ බව සඳහන් කළේය.

සැකකරු වෑන් රථයකින් පළායද්දී අත්අඩංගුවට ගත් අවස්ථාවේ ලබාගත් බව පවසමින් සමාජ මාධ්‍යවල සහ සමහර ප්‍රධාන ධාරාවේ ජනමාධ්‍යවල හුවමාරු වන සමහර ඡායාරූපවලින් පෙනීයන්නේ, සැකකරු සිනාසෙමින් පසුවන බව සහ ආරක්ෂක නිලධාරීන් විසින් ඔහුට මිත්‍රශීලී ලෙස සළකන බව යැයි චාමර සම්පත් මන්ත්‍රීවරයා පැවැසීය.

AI තාක්ෂණය භාවිතයෙන් මෙම සමහර ඡායාරූප සංස්කරණය කර ඇති බවත් මන්ත්‍රීවරයාට AI පිළිබඳව දැනුවත් වන ලෙස පැවසූ බවත් අමාත්‍යවරයා වැඩිදුරටත් ඒ පිළිබඳව තොරතුරු පැහැදිලි කළේය.