හිටපු ජනාධිපති රනිල් වික්‍රමසිංහ සම්බන්ධයෙන් සිදුකරන විමර්ශන මාසයක් ඇතුළත අවසන් කිරීමට අපේක්ෂා කරන බවත්, මාර්තු මාසය වන විට විධිමත් චෝදනා ගොනු කිරීමට අපේක්ෂා කරන බවත් නීතිපති දෙපාර්තමේන්තුව අද කොළඹ කොටුව මහේස්ත්‍රාත් අධිකරණයට දැනුම් දී තිබේ.

කොළඹ කොටුව මහේස්ත්‍රාත් ඉසුරු නෙත්තිකුමාර ඉදිරියේ නඩුව විභාග වූ අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් දිලීප පීරිස් විසින් මෙම කරුණු ඉදිරිපත් කරන ලදී.

හිටපු ජනාධිපති රනිල් වික්‍රමසිංහ එක්සත් රාජධානියට නිල නොවන සංචාරයක නිරත වූ බවට සාක්ෂි ඇති බව විමර්ශකයින් අධිකරණයට දැනුම් දුන්නේය.

හිටපු ජනාධිපති රනිල් වික්‍රමසිංහට එරෙහිව චෝදනා මහාධිකරණය හමුවේ ගොනු කරන බව නීතිපති දෙපාර්තමේන්තුව අධිකරණයට දැනුම් දුන්නේය.

ඒ අනුව නඩුව 2026 අප්‍රේල් 29 වන දින යළි විභාගයට ගැනීමට නියමිතය.