නිධන් අරන් එක රැයින් කෝටිපතියෝ වෙන්න හීන දැකපු හතරදෙනකුට වැලිකන්ද, මෝරවැව පැත්තේදී වෙච්ච අනපේක්ෂිත සිදුවීමක් ගැන දැන් ගම පුරාම ප්‍රසිද්ධ කතාවක් වෙලා.

මේ අය මෝරවැව ඉඩමක අඩි 4ක් විතර හාරලා, නිධානය ගොඩගන්න සේරම පූජා වට්ටි එහෙම ලෑස්ති කරගෙන තිබිලා තියෙන්නේ. හැබැයි වැඩේ කියන්නේ, ගමේ කවුරුත් දැනගන්න කලින් පොලිසියට මේ ගැන හොර රහසේම ආරංචිය ගිහින්. පොලිස් නිලධාරීන් කණ්ඩායමක් වෙස්වලාගෙන ඇවිත්, හරියටම පූජාව තියන්න ලෑස්ති වෙන වෙලාවෙම කඩාවැදිලා මේ හතරදෙනාව පිටින්ම අල්ලගෙන.

අහුවෙච්ච කට්ටිය හොරණ, වැලිකන්ද, මුතුවැල්ල පැතිවල අයලු. අන්තිමේදී නිධානයත් නෑ, කෝටිපති හීනෙත් නෑ. හාරන්න ගෙනාපු උපකරණයි, පූජා වට්ටියයි විතරක් නෙවෙයි, මේ කට්ටියට සිද්ධ වුණේ පොලෝන්නරුව උසාවියෙන් කෙළින්ම ලබන 17 වෙනිදා වෙනකම් රක්ෂිත බන්ධනාගාරගත වෙන්නයි.