අමාත්‍ය මණ්ඩලයේ තීරණවලට අනුව ශ්‍රී ලංකන් ගුවන් සේවය සඳහා ගුවන් යානා මිලදී ගැනීමේදී සිදුවූ බව කියන මූල්‍ය අක්‍රමිකතා සම්බන්ධයෙන් අල්ලස් හෝ දූෂණ විමර්ශන කොමිෂන් සභාව විසින් අත්අඩංගුවට ගත් පාර්ලිමේන්තු මන්ත්‍රී නාමල් රාජපක්ෂට එරෙහි අල්ලස් නඩුව අද කොළඹ ප්‍රධාන මහේස්ත්‍රාත් අධිකරණයේදී නැවත කැඳවීමට නියමිතය.

මෙම නඩුව අද පස්වරු 9:30 ට විභාගයට ගැනීමට නියමිතව ඇත.

එයාර්බස් ගුවන් යානා ගනුදෙනුවට අදාළව අල්ලස් ලබාගැනීමේ චෝදනා මත ඉකුත් 4 වැනිදා අල්ලස් කොමිසම විසින් අත්අඩංගුවට ගන්නා ලද නාමල් රාජපක්ෂ අද දක්වා රක්ෂිත බන්ධනාගාරගත කර සිටියේය.

මේ අතර, ශ්‍රී ලංකන් ගුවන් සේවය සඳහා ගුවන් යානා ලබා ගැනීමේදී සිදුවූ බව කියන මූල්‍ය අක්‍රමිකතාවලට අදාළව අපරාධ පරීක්ෂණ දෙපාර්තමේන්තුව මගින් මුදල් විශුද්ධිකරණ පනත යටතේ පවරා ඇති නඩුවකට අදාළව නාමල් රාජපක්ෂ මහතා ලබන 23 වැනිදා දක්වා රක්ෂිත බන්ධනාගාරගත කර ඇත.

නීතිපතිවරයාගේ උපදෙස් මත ඉකුත් 13 වැනිදා නාමල් රාජපක්ෂ එම නඩුවේ සැකකරුවකු ලෙස නම් කරනු ලැබීය.