බදාදා දින(ඊයේ) දේශීය වේලාවෙන් රාත්‍රී 9 ට සිස්ටයින් දේවස්ථානයේ චිමිනියෙන් කළු දුමාරයක් නැඟුණු අතර, එමඟින් කතෝලික කාදිනල්වරු පාප්තුමාගේ සම්මේලනයේ පළමු වටයේ ඡන්ද විමසීමේදී නව පාප්වරයෙකු තෝරා පත්කර ගැනීමට අපොහොසත් වී ඇති බව සනාථ විය.

දොරවල් වසාදමා දේවස්ථානයේ රැස්වන කාදිනල්වරු 133 දෙනා ඉදිරි දිනවලදී සාකච්ඡා නැවත ආරම්භ කරනු ඇත.

සිස්ටයින් දේවස්ථානයට ගාම්භීර පෙරහැරකින් පසුව, සෑම කාදිනල්වරයෙක්ම දේශීය වේලාවෙන් සවස 5:45 ට පමණ පළමු වටයේ ඡන්ද විමසීම ආරම්භවීමට පෙර රහස්‍යභාවය පිළිබඳ දිවුරුම්දුන්නේය.