බංග්ලාදේශ A සහ ​​නවසීලන්ත A කණ්ඩායම් අතර පැවති තුන්වැනි නිල නොවන එක්දින අන්තර්ජාතික තරගයේදී, බංග්ලාදේශ කඩුලු රකින ක්‍රීඩක නුරුල් හසන් කඩුල්ල පිටුපස වැරදි ස්ථානයක රැඳී සිටීම හේතුවෙන් පන්දුව බිම තබා තිබූ හිස්වැස්මක වැදීම නිසා අපහසුතාවට පත් විය.

සෙනසුරාදා පැවති තරගයේ දී මෙම සිදුවීම දක්නට ලැබිණි.

එම අවස්ථාවේ පිලිප්ස් සහ මයිරු යන පිතිකරුවන් දෙදෙනා ද මොහොතකට ව්‍යාකූල වූ බවක් පෙනෙන්නට තිබුණත් අවසානයේ තනි ලකුණක් ලබා ගැනීමට ඔවුන්ට හැකියාව ලැබිණි.

කෙසේවෙතත්, විනිසුරුවරයා තරග නීතිරීතිවලට අනුකූලව දඬුවම් ලකුණු පහක් සංඥා කළේය.

Marylebone ක්‍රිකට් සමාජයේ 28.3.2 නීතියට අනුව, “ක්‍රීඩා කරන අතරතුර පන්දුව ආරක්ෂිත හිස්වැස්මේ වැදුණහොත්, පන්දුව වහාම අජීවී පන්දුවක්(Dead ball) බවට පත්වනඅතර, අදාළ නම් විනිසුරුවරයා ලකුණු ලාභීන් වෙත No ball හෝ Wide සංඥා කළ යුතුය, නැතහොත් පිතිකරණ පැත්තට දඬුවම් ලකුණු 5ක් ලබා දිය යුතුය,” යනුවෙන් සඳහන් වේ.