July 27, 2025
පැලවත්තේ හෝටලයක නොමිලේ ආහාර සැපයීම සිදුනොකිරිම හේතුවෙන් පසු නිලධාරීන් පළිගැනීමක් ලෙස ක්‍රියාකළ බවට සමාජ මාධ්‍යවල පැතිර යන චෝදනා ශ්‍රී ලංකා පොලිසිය ප්‍රතික්ෂේප කරයි.
2025 ජූලි 25 වැන දින පැලවත්තේ පන්නිපිටිය පාරේ හෝටලයකට නුගේගොඩ සහකාර පොලිස් අධිකාරී (ASP) කළ සංචාරයකට අදාළ වීඩියෝවක් සමාජ මාධ්‍ය ඔස්සේ ප්‍රචාරය විය.
මුදල් සහ රන් ආභරණ සොරකම් කිරීම සම්බන්ධයෙන් හෝටල් සේවකයකු විසින් කරන ලද පැමිණිල්ලක් පිළිබඳව කරන ලද විමර්ශනයකට අදාළව මෙම මෙම සංචාරය සිදුකළ බව පොලිසිය පවසයි.
සමාජ මාධ්‍යවල ප්‍රචාරය වුණු විඩියෝවෙන් කියැවුණේ පොලිස් නිලධාරීන්ට මීට පෙර හෝටලයෙන් නොමිලේ ආහාර ලැබී ඇති බවත්, පැමිණිලි කිරීමෙන් පසු එම පිළිවෙත නතර කිරීමෙන් පසු, නිලධාරීන් කෝපයෙන් හෝටලය ඉලක්ක කරගත් බවත්ය.
මෙම ප්‍රකාශ ප්‍රතික්ෂේප කරමින් පොලිසිය පවසා ඇත්තේ, මෙම සංචාරය පැමිණිල්ලකට ප්‍රතිචාර දැක්වීමක් ලෙස සිදුකළ බවත්, ස්ථාන පරීක්ෂාවේදී සම්මත ක්‍රියාපටිපාටි අනුගමනය කළ බවත්ය.
හෝටලය අසල දුම්පානය කරන පුද්ගලයන් සහ හිමිකරුගෙන් ප්‍රශ්න කරන නිලධාරීන් පෙන්වන CCTV දර්ශන වැරදි ලෙස අර්ථකථනය කර නොමඟ යවන සුළු අදහස් සමඟ වීඩියෝව සංසරණය වන බව පොලිසිය පැවසීය.
පොලිස් නිලධාරීන් විසින් සිදුකරන ඕනෑම විෂමාචාර චෝදනාවක් විධිමත් මාර්ග හරහා වාර්තා කළ යුතු බවත්, තරාතිරම නොසලකා නීතිය සමානව ක්‍රියාත්මක කරන බවට සහතික වන බවත් පොලිසිය අවධාරණය කළේය.
