හිටපු අමාත්‍ය මනූෂ නානායක්කාර ගොනුකළ නඩුවකට අනුව, යූ ටියුබ්කරු සුදත්ත තිලක්සිරිට එරෙහිව කොළඹ දිසා අධිකරණය වාරණ නියෝගයක් නිකුත් කර තිබේ.

අංක 01 අධිකරණයේදී ඉදිරිපත් කරන ලද කරුණු සලකා බැලීමෙන් පසු කොළඹ දිසා අධිකරණ විනිසුරු සදුන් විතානගේ විසින් අද (30) මෙම නියෝගය ලබාදෙන ලදී.

නීතිඥ සනත් විජේවර්ධනගේ උපදෙස් පරිදි පැමිණිලිකරු වන මනූෂ නානායක්කාර වෙනුවෙන් ජනාධිපති නීතිඥ අලි සබ්රි පෙනීසිටියේය.

මෙම වාරණ නියෝගය මගින් තිලක්සිරිට මනුෂ නානායක්කාරට එරෙහිව සෘජු හෝ වක්‍ර අපහාසාත්මක ප්‍රකාශ සිදුකිරීම හෝ කිසිදු අපහාසාත්මක හැසිරීමක යෙදීම වළක්වයි.

අගෝස්තු 07 වැනි දින නඩුව නැවත කැඳවනු ලැබේ.