October 12, 2026
ඛයිබර් පක්තුන්ක්වා ප්‍රදේශයේ හදිසි නීතිය ප්‍රකාශයට පත් කිරීම, ආණ්ඩුකාර පාලනය පැනවීම සහ සන්නද්ධ හමුදාවන් යෙදවීමට ප්‍රතිචාර දක්වමින් අම්නෙස්ටි ජාත්‍යන්තර සංවිධානයේ දකුණු ආසියානු නියෝජ්‍ය අධ්‍යක්ෂ බාබු රාම් පාන්ට් අදහස් පළ කර තිබේ.
ඔහු පවසා ඇත්තේ පළාත් ප්‍රධාන අමාත්‍යවරයා ඇතුළු ප්‍රධාන පෙළේ නායකයින් අත්තනෝමතික ලෙස අත්අඩංගුවට ගැනීම සහ පළාත පුරා අන්තර්ජාල පහසුකම් අත්හිටුවීම වැනි වාර්තා මගින්, මෙම හදිසි නීති පියවරයන්හි සාධාරණත්වය පිළිබඳව බරපතල ගැටලු මතුවන බවයි.
රටක පැවැත්මට තර්ජනයක් වන මහජන හදිසි අවස්ථාවකට මුහුණ දීම සඳහා රාජ්‍යයන්ට ඉතා සීමිත අවස්ථාවන්හිදී මානව හිමිකම් වගකීම්වලින් බැහැර විය හැකි වුවද, හදිසි නීති පියවර යනු මානව හිමිකම් මර්දනය කිරීමට, විරුද්ධ මත නිහඬ කිරීමට හෝ බලය එක්තැන් කර ගැනීමට ලබාදුන් නිදහස් බලපත්‍රයක් නොවන බව ද ඔහු පැවසුවේය.
ත්‍රස්තවාදයට එරෙහි මෙහෙයුම්වලදී සන්නද්ධ හමුදාවන් විසින් සිදු කරන ලද අතුරුදන් කරවීම් සහ නීති විරෝධී ඝාතන පිළිබඳ අතීත සිදුවීම් සැලකිල්ලට ගැනීමේදී, හමුදාව යෙදවීම මගින් ප්‍රදේශය තවදුරටත් හමුදාකරණයට ලක්වන අතර නීති විරෝධී ලෙස බලය භාවිත කිරීමට පසුබිම සකස් විය හැක.
එබැවින් පාකිස්තාන බලධාරීන් සාමාන්‍ය පොලිස් රාජකාරි සඳහා හමුදා නිලධාරීන් යොදා ගැනීමෙන් වැළකිය යුතු අතර, හමුදා බලකායන් ජාත්‍යන්තර මානව හිමිකම් නීතීන්ට සහ ප්‍රමිතීන්ට අනුකූලව කටයුතු කරන බවත් ඔවුන් වගකීමෙන් බැඳී සිටින බවත් තහවුරු කළ යුතු බව ද ඔහු පවසයි.
