අග්නිදිග ආසියාවේ ආගන්තුක සත්කාර ක්ෂේත්‍රයේ ප්‍රමුඛතම ආයතනයක් වන ONYX Hospitality Group විසින් Amari Colombo තරු පහේ හෝටලය අද විවෘත කළේය.

Amari Colombo හෝටලය ONYX Hospitality Group සහ විනිල් හෝල්ඩින්ග්ස් පෞද්ගලික සමාගම අතර ඇති සාර්ථක හවුල්කාරිත්වයේ ප්‍රතිඵලයකි.

සමාගම් දෙක අතර පවතින ශක්තිමත් අන්‍යෝන්‍ය විශ්වාසය ශ්‍රී ලංකාවේ ආගන්තුක සත්කාර ප්‍රමිතීන් ඉහළ නැංවීමට සහ විශිෂ්ට ආගන්තුක අත්දැකීම් ලබා දීමට හේතුවක් වනු ඇති බවට විශ්වාස කෙරේ.

මෙය ශ්‍රී ලංකාවේ ආගන්තුක සත්කාර අංශයේ නව පරිච්ඡේදයක ආරම්භය ද සනිටුහන් කරයි.

ශ්‍රී ලංකාවේ කාර්යබහුල වාණිජ හා ආර්ථික මධ්‍යස්ථානය වන කොළඹ නගරයේ පිහිටා ඇති මෙම සුවිශේෂී හෝටලය සුවිශේෂී පහසුකම්, සුපිරි භෝජන අත්දැකීම් සහ ලෝක මට්ටමේ ආගන්තුක සත්කාරය සඳහා වූ කැපවී සිටී.