May 22, 2025
කරුණාවේ බලය කිසි විටෙකත් අවතක්සේරු නොකළ යුතු අතර, ව්‍යාපාරික ලෝකය මුහුණදෙන බොහෝ ගැටලු එමගින් විසඳාගත හැකි බව ලෝක ප්‍රසිද්ධ බෞද්ධ භාවනා ගුරුවරයකු සහ කතුවරයෙකු වන අජාන් බ්‍රහ්ම් හිමියෝ පසුගිය සෙනසුරාදා බණ්ඩාරනායක අනුස්මරණ අන්තර්ජාතික සම්මන්ත්‍රණ ශාලාවේ (BMICH) පැවැති ව්‍යාපාරික සංසදයේදී ශ්‍රී ලංකා ව්‍යාපාරික නායකයන්ට පැවසූහ.
ජ්‍යෙෂ්ඨ වෘත්තිකයන් සහ ව්‍යාපාරික නායකයන් ඉලක්ක කර ගනිමින්, ශ්‍රී ලංකා අජාන් බ්‍රහ්ම් සංගමය විසින් ආයතනික ප්‍රජාව සමඟ සහයෝගයෙන් සංවිධානය කරන ලද මෙම උත්සවයේදී නායකත්වය කෙරෙහි අවධානය යොමුකෙරුණු අතර, එහිදී බ්‍රහ්ම් හිමියෝ කරුණාව සමඟ සහජීවනයෙන් සිහිය පවත්වා ගැනීම අවධාරණය කළහ.
අජාන් බ්‍රහ්ම් හිමියෝ, බෞද්ධ ඉගැන්වීම් සමාජයට අදාළ වන පරිදි සහ ආගමික පසුබිම් නොසළකා ප්‍රායෝගිකව තේරුම් ගත හැකි වන පරිදි පැහැදිලි කිරීමේ ප්‍රායෝගික ආකාරය සඳහා ශ්‍රී ලංකාවේ ජනප්‍රියය.
උන්වහන්සේ ඕස්ට්‍රේලියාවේ පර්ත් හි සර්පන්ටයින් හි බෝධිනියානා ආරාමයේ ප්‍රධාන ආරාමාධිපතිවරයා වන අතර, ප්‍රසිද්ධ තායි වන සම්ප්‍රදායික භික්ෂුවක් වන, පසුගිය සියවසේ හොඳම ථෙරවාද භාවනා ගුරුවරයා ලෙස සැලකෙන පූජ්‍ය අජාන් චාගේ ගෝලයෙක්ද වෙයි.
මෙම සමුළුවේදී ව්‍යාපාරික නායකයකු විසින්, තම ජීවිතයේදී කෝපය පාලනය කර ගැනීමට සමත් වූයේ කෙසේදැයි පැහැදිලි කරන ලෙස විමසූ විට, පූජ්‍ය බ්‍රහ්ම් හිමියන් පැහැදිලි කළේ, කෙනකු තමාටම පෙන්වන කරුණාව එකිනෙකාට පෙන්වන කරුණාවෙන් පිළිබිඹු විය යුතු බවත්, මෙය ස්වාභාවික නායකත්ව රටාවක් බවට පරිණාමය වන බවත්ය .
අන් අයට සහ තමාට සමාන වන කරුණාවන් දෙක ආත්මාර්ථකාමිත්වය ඉක්මවා යන විට එය ඕනෑම තත්වයකින් මනුෂ්‍යයයා මුදවාගත හැකි බව උන්වහන්සේ පැහැදිලි කළහ.
