වසර 10ක් ඇතුළත රටේ සෑම පවුලකටම වාහනයක් හිමිකර ගැනීමට හැකි ආර්ථිකයක් ජාතික ජන බලවේගයේ ශ්‍රී ලංකාව තුළ ගොඩනඟන බව එම බලවේගයේ සාමාජික නලින් හේවගේ පවසයි.

ජනහමුවක් අමතමින් ඔහු සඳහන් කළේ ඇතැම් විදේශ රටවල මසක වැටුපෙන් වාහනයක් මිලදී ගත හැකි බවයි.

කෙසේවෙතත්, ශ්‍රී ලංකාවේ බහුතර මහජනතාවට තම ජීවිත කාලය පුරාම ඉතිරි කරන මුදලින් පවා වාහනයක් මිලදී ගත නොහැකි බව ඔහු පෙන්වා දුන්නේය.

“Toyota Vitz එකක් රුපියල් මිලියන 1.2කට ආනයනය කරන්න පුළුවන්. එය දැරිය හැකි මිලක්, නමුත් අධික බදු නිසා එහි මිල වැඩිවෙලා. මිනිසුන්ට වාහන මිලදී ගැනීමට බාධාවක් වන්නේ වාහනවල මිල නොවේ; අධික බදුයි,” යනුවෙන් ඔහු පැවසීය.

“වසර 10ක් ඇතුළත මේ රටේ සෑම නිවසකටම වාහනයක් හිමිකර ගැනීමට හැකි ආර්ථිකයක් ඇති කළ හැකි බව අපට විශ්වාසයි,” යනුවෙන් ඔහු වැඩිදුරටත් පැවසීය.