කොස්තාපල්වරුන් දෙදෙනකුට පහරදී එක් නිලධාරියකුගේ අත වීදුරු කැබැල්ලකින් කපා අනෙක් නිලධාරියාගේ අත සපා කෑ චීවරධාරියකු කොටුව පොලිසිය මගින් අත්අඩංගුවට ගෙන ඇත.

මෙම සිද්ධිය වී ඇත්තේ කොටුව දුම්රියපළේදීය.

පොලිසිය පවසන ආකාරයට මෙම චීවරධාරියා එහිදී බීමතින් කලහකාරි ලෙස හැසිරී ඇත.

ඒ අවස්ථාවේ ඔහු පාලනය කිරීමට කොස්තාපල්වරයකු පැමිණ ඇති අතර එහිදී සැකකරු එම නිලධාරියාට පහරදී නිල ඇඳුම ද ඉරා දමා තිබේ.

එම කොස්තාපල්වරයාගේ සහායට පැමිණි අනෙක් කොස්තාපල්වරයාට ද සැකකරු විසින් පහරදී තිබෙන බව කියයි.

සැකකාර චීවරධාරියාගේ පහරකෑමට ලක්වූ පොලිස් නිලධාරීන් දෙදෙනා රෝහල්ගතව ප්‍රතිකාර ලබන බව පොලිසිය කියයි.