ශ්‍රී ලංකාවේ මැණික් කර්මාන්තයට චීන මැදිහත්වීම රටේ අර්බුදකාරී ආර්ථිකයට සැළකිව යුතු ආදායම් පාඩු සිදු කරමින් සිටින බවත් දේශීය ව්‍යාපාරවලට බලපෑම් ඇති කරන බවත් ද ෆයිනෑන්ෂල් පෝස්ට් හි ලිපියකින් හෙළිකර තිබේ.

රටට බදු ආදායම අහිමි කරන සහ නීත්‍යනුකූල ව්‍යාපාරවලට බරපතළ තර්ජනයක් එල්ල කරන ජාවාරම්ල කොටසක් ලෙස චීන ජාතිකයන් ශ්‍රී ලංකාවෙන් රුපියල් බිලියන 30ක් පමණ වටිනා මැණික් අපනයනය කර ඇති බව එම ලිපියේ සඳහන් වේ.

දශකයකපමණ කාලයක් කර ඇති ජාවාරම් සහ මුදල් විශුද්ධිකරණ මෙහෙයුමකට සම්බන්ධ චීන ව්‍යාපාරිකයකුගේ බැංකු ගිණුමෙන් රුපියල් මිලියන 201කට අධික මුදලක් අත්හිටුවීමට කොළඹ මහාධිකරණය විසින් මෑතකදී දුන් තීන්දුවක් ගැන ද එම ලිපියේ දක්වා තිබේ.

මූන්ස්ටෝන්ස්, ස්ටාර් සැෆායර් මැණික් සහ එමරල්ඩ් ඇතුළු රුපියල් මිලියන 17කට වඩා වටිනා මැණික් ශ්‍රී ලංකාවෙන් පිටතට ගෙන යෑමට උත්සාහ කළ චීන ජාතිකයකු සහ ඔහුගේ දියණිය කොළඹ ගුවන් තොටුපළේදී අත්අඩංගුවට ගත් බව ශ්‍රී ලංකා රේගු නිලධාරීන් ද පවසා තිබේ.

චීන ජාතිකයන් සංචාරකයන් මුවාවෙන් ශ්‍රී ලංකාවට ඇතුළු වී පසුව ලේඛන, බදු සහ නීතිමය මාර්ග මග හැරීම සඳහා නීති විරෝධී අතරමැදියන්ගෙන් වටිනා මැණික් මිලදී ගන්නා බව ලිපියේ සඳහන් වේ.

එහි ප්‍රතිඵලයක් ලෙස, මෙරට මැණික් අංශයට විශාල ආර්ථික පාඩු සිදු වේ.

මැණික් කර්මාන්තයට නීති විරෝධී චීන මැදිහත්වීම දේශීය ආර්ථිකය සඳහා වෙන්කර ඇති ආර්ථික ආදායම උදුරා ගන්නා බව ලිපියේ සඳහන් වේ.

ඇස්තමේන්තුවකට අනුව, අවිධිමත් සහ බදු නොගෙවූ ගනුදෙනු හේතුවෙන් වාර්ෂික එකතු කළ අගය මත බද්දෙන් (VAT) රුපියල් බිලියන 38ක් අහිමි වී ඇත.

නීති විරෝධී ක්‍රියාකාරකම් දේශීය මෙන්ම අන්තර්ජාතික මට්ටමින් ශ්‍රී ලංකාවේ ආර්ථිකයට හානි කරයි.

එපමණක් නොව, සාම්ප්‍රදායික, නියාමනය කරන ලද දේශීය වෙළඳුන්ට ව්‍යාපාර අහිමි වන තත්ත්වයක් ඇති කරයි.

මේ අනුව, නීත්‍යානුකූල වෙළඳුන් අසාධාරණ තරඟයකට ලක්කරයි.

පවතින තත්ත්වය මෙරට මැණික් වෙළඳපොළ බටහිර රටවලින් ඈත්කරමින් තිබේ.

කොළඹ නගරයේ කීර්ති නාමයට කැළැල් වී ඇති බැවින්, යුරෝපීය සහ අමෙරිකානු ගැනුම්කරුවන් දැන් තායිලන්තය වැනි මධ්‍යස්ථාන තෝරා ගනිමින් සිටින බව ලිපියේ දැක්වේ.

චීනය අප්‍රිකානු රටවල ද මෙම රටාව අනුගමනය කර ඇති බව ලිපිය පෙන්වා දෙයි.

වාර්තාවලට අනුව, වසරකට ඩොලර් මිලියන 23ක දැව මොසැම්බික් සිට චීනයට හොර රහසේ ගෙන එනු ලැබේ.

කොංගෝව, දකුණු අප්‍රිකාව සහ නයිජීරියාව යන රටවල චීන පැවැත්ම, කලාපයේ ආර්ථිකයට සහ පරිසර පද්ධතියට සැළකිව යුතු හානියක් සිදු කර ඇත.

ද ෆයිනෑන්ෂල් පෝස්ට් මෙය ‘තීරණාත්මක ගෝලීය කණස්සල්ලක්” ලෙස සලකුණු කර ඇත.