ඊශ්‍රායලයේ කෘෂිකාර්මික අංශයේ සේවය කරන ශ්‍රී ලාංකික තරුණයන් 20 දෙනකු ප්‍රවාහනය කරමින් තිබූ බස් රථයක් ඊයේ උදෑසන කිර්යාත් මලකි අසලදී ගිනිගත් බව ඊශ්‍රායලයේ ශ්‍රී ලංකා තානාපති කාර්යාලය පැවසීය.

ගින්නෙන් බස් රථය සම්පූර්ණයෙන්ම විනාශ වූ බව වාර්තා වේ.

ඇසින් දුටු සාක්ෂිකරුවන්ට අනුව, ගින්න හදිසියේම ඇති වූ අතර, දොරවල් හිර වී තිබූ බැවින් මගීන්ට පැන යාමට ජනෙල් කඩාදැමීමට සිදුව ඇත.

බසයෙන් ඉවතට පැනීමේදී එක් පුද්ගලයකුගේ කකුලකට තුවාල සිදුවී ඇති අතර ඔහු රෝහල් ගත කර තිබේ. ඔහුගේ තත්ත්වය බරපතල නොවන බව වාර්තා වේ.

ගින්නට හේතුව ඊශ්‍රායලයේ බලධාරීහු විමර්ශනය කරමින් සිටිති.

අනෙක් සියලුම මගීන් ආරක්ෂිතය.