July 14, 2025
යුක්රේනයේ දිගුකාලීන ඉල්ලීමකට සහනයක් ලබාදෙමින් එරටට පේට්රියට් මිසයිල ආරක්ෂණ පද්ධති ලබාදීමට අමෙරිකානු ජනාධිපති ඩොනල්ඩ් ට්රම්ප් තීරණය කර තිබේ.
ට්රම්ප් මේරිලන්ඩ් හි ඒකාබද්ධ ඇන්ඩෲස් කඳවුරේදී මේ සම්බන්ධයෙන් ජනමාධ්ය හමුවේ අදහස් පළකර තිබිණි.
යුක්රේනයට පේට්රියට් මිසයිල ආරක්ෂණ පද්ධති ලබාදෙන බව ට්රම්ප් පවසා ඇති නමුත් එලෙස ලබාදෙන සංඛ්යාව කොපමණ ද යන්න ඔහු පවසා නොමැත.
රුසියාව අමෙරිකාව සමග හොඳින් කටයුතු කළ ද ඔහු යුක්රේන ආක්රමණය අවසන් කිරීම සඳහා සාකච්ඡා කිරීම ප්රතික්ෂේප කිරීම හමුවේ මෙම තීරණය ගත් බව ට්රම්ප් පවසා තිබේ.
“පුටින් ඇත්ත වශයෙන්ම මිනිසුන් පුදුමයට පත්කරයි. ඔහු හොඳින් කතා කරයි, පසුව ඔහු සවස් වරුවේ සෑම කෙනෙකුටම බෝම්බ දමයි,” යනුවෙන් ට්රම්ප් එහිදී පැවසීය.
“ඉතින්, එතන පොඩි ප්රශ්නයක් තියෙනවා. මම ඒකට කැමති නෑ.” යනුවෙන් ද ට්රම්ප් ජනමාධ්ය වෙත පැවසුවේය.
ට්රම්ප් කියා සිටියේ තමන් යුක්රේනයට යවන පේට්රියට් බැටරි සංඛ්යාව පිළිබඳව තමා තීරණය කර නොමැති නමුත් ඔවුන්ට ආරක්ෂාව අවශ්ය බැවින් ඔවුන්ට ඒවා ලැබෙනු ඇති බවයි.
