යාපනයේ එළුවතිව් දූපතට ඔබ්බෙන් සිදු කළ සෝදිසි මෙහෙයුමකදී ශ්‍රී ලංකා නාවික හමුදාව විසින් කිලෝග්‍රෑම් 38 යි ග්‍රෑම් 700 ක කේරළ ගංජා තොගයක් අත්අඩංගුවට ගෙන තිබේ.

කේරළ ගංජා තොගයේ දළ වීදි වටිනාකම රුපියල් මිලියන 15 ඉක්මවන බවට ඇස්තමේන්තු කර ඇති බව නාවික හමුදාව නිවේදනයක් නිකුත් කරමින් කියාසිටියි.

ප්‍රදේශයේ නාවික නිරීක්ෂණ වැඩිවීම හේතුවෙන් ජාවාරම්කරුවන් මෙම තොගය අතහැර දමා ගොස් ඇති බවට සැකකෙරේ.

අත්අඩංගුවට ගත් කේරළ ගංජා තොගය ඉදිරි කටයුතු සඳහා කයිට්ස් පොලිසියට භාර දී ඇත.