July 11, 2025
අද (11) අලුයම පානදුර හිරණ ප්‍රදේශයේ වෙඩිතැබීමේ සිද්ධියක් වාර්තා වූ අතර, ඉන් එක් අයකු තුවාල ලබා ඇති බව පොලිසිය පැවැසීය.
පොලිසියට අනුව, හිරණ පොලිස් වසමේ මාලමුල්ල ප්‍රදේශයේ නිවසක ජනේලයක් කඩා නාඳුනන පුද්ගලයකු වෙඩි තබා පළාගොස් තිබේ.
තුවාල ලැබූ මාලමුල්ල ප්‍රදේශයේ පදිංචි 32 හැවිරිදි පුද්ගලයකු ප්‍රතිකාර සඳහා පානදුර රෝහලට ඇතුළත් කර ඇත.
සැකකරුවන් අත්අඩංගුවට ගැනීමට සහ සිද්ධිය පිටුපස ඇති හේතුව තහවුරු කර ගැනීම සඳහා පොලිසිය වැඩිදුර පරීක්ෂණ පවත්වයි.
