දකුණු කකුළේ කලවා මාංශ පේශි ආබාධයකට ලක්වීම හේතුවෙන් ශ්‍රී ලංකා විස්සයි20 නායක වනිඳු හසරංග බංග්ලාදේශයට එරෙහිව පැවැත්වෙන ඉදිරි විස්සයි20 තරගාවලියෙන් ඉවත් කර තිබේ.

තරගාවලියේ තුන්වැනි සහ අවසන් එක්දින තරගයේදී පන්දුවට පහරදෙමින් සිටියදී මෙම ආබාධය ඇතිවිය.

වෛද්‍ය තක්සේරුවෙන් පසුව, හසරංග ශ්‍රී ලංකා ක්‍රිකට් හි ඉහළ කාර්යසාධන මධ්‍යස්ථානයේ ප්‍රතිකාර ආරම්භ කිරීම සඳහා කොළඹට පැමිණෙනු ඇත.

ශ්‍රී ලංකා ක්‍රිකට් ආයතනය පැවසුවේ, විස්සයි20 සංචිතයේ හසරංග වෙනුවට වෙනත් අයෙකු නම් නොකරන බවයි.