June 17, 2025
බස් මගීන්ට ගමන් ටිකට්පත් නිකුත් කිරීම අනිවාර්ය කරන බව ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක පවසයි.
ප්රවාහන අමාත්ය රත්නායකට අනුව, ශ්රී ලංකා ප්රවාහන මණ්ඩලය සහ පෞද්ගලික බස් රථ ධාවනය සඳහා ඒකාබද්ධ ක්රියා පටිපාටියක් ක්රියාත්මක කිරීමට සැලසුම් සකස් කර ඇත.
කොළඹ මධ්යම බස් නැවතුම්පොළේ නිරීක්ෂණ චාරිකාවකට සහභාගී වීමෙන් පසු අමාත්ය බිමල් රත්නායක ජනමාධ්ය වෙත මෙම අදහස් පළකළේය.
ජුනි 30 වැනි දින සිට ආරක්ෂාවට අදාළ පියවර සහ රක්ෂණ යෝජනා ක්රම කිහිපයක් හඳුන්වාදෙන බව ඔහු තවදුරටත් පැවැසීය.
බස් රියදුරන් සහ කොන්දොස්තරවරුන්ට වයස අවුරුදු 55 සම්පූර්ණ වූ පසු විශ්රාම වැටුපක් ලබාගැනීමට හැකි වන පරිදි සමාජ ආරක්ෂණ ක්රමයක් ගෙන ඒමට රජය බලාපොරොත්තු වන බවද අමාත්ය බිමල් රත්නායක සඳහන් කළේය.
බස් රියදුරන් සහ කොන්දොස්තරවරුන්ට ස්ථාවර ආදායමක් නොලැබෙන්නේ නම් විනයගරුක සහ උසස් බස් කර්මාන්තයක් අපේක්ෂා කළ නොහැකි බව අමාත්යවරයා පෙන්වාදුන්නේය.
එබැවින් බස් මගී ප්රවාහනය හරහා උපයන ආදායම සියලුම පාර්ශව අතර සාධාරණ ලෙස බෙදාගැනීම සහතික කරන ඒකාබද්ධ බස් කාලසටහන් හඳුන්වාදීමට ද රජය බලාපොරොත්තු වන බව ඔහු සඳහන් කළේය.
