වැඩ තහනමට ලක්ව සිටින බන්ධනාගාර කොමසාරිස් ජනරාල් තුෂාර උපුල්දෙණිය ජුනි 25 දක්වා යළි රක්ෂිත බන්ධනාගාර ගත කර තිබේ.

ඒ, ඔහු අද යළිත් කොළඹ මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි.

ජනාධිපති සමාව යටතේ රැඳවියෙකු නීතිවිරෝධී ලෙස නිදහස් කළ බව කියන සිද්ධිය සම්බන්ධයෙන් මෙම විමර්ශනය සිදුකෙරෙන අතර, ඔහුගේ රාජකාරී අත්හිටුවීමට අමාත්‍ය මණ්ඩලය තීරණය කර තිබිණි.

අපරාධ පරීක්‍ෂණ දෙපාර්තමේන්තුව විසින් තුෂාර උපුල්දෙණිය අත්අඩංගුවට ගනු ලැබුවේ ජුනි 9 වැනිදා වන අතර, පරීක්‍ෂණ කටයුතුවලට එල්ල විය හැකි මැදිහත්වීම් හේතුවෙන් ඔහුට ඇප ලබා දී නොමැත.