නුවරඑළිය සිට මහනුවර දෙසට ධාවනය වූ පෞද්ගලික බස් රථයක් ඊයේ රාත්‍රියේ නුවරඑළිය-මහනුවර ප්‍රධාන මාර්ගයේ ටොප් පාස් ප්‍රදේශයේදී මාර්ගයෙන් ඉවතට පැන පෙරළී ගොස් ඇති බව පොලිසිය පැවසීය.

අනතුර සිදුවන අවස්ථාවේ විනෝද චාරිකාවකට ගොස් ආපසු යමින් සිටි පුද්ගලයන් 54 දෙනෙකු බස් රථයේ ගමන් කර ඇත.

මගීන් කුරුණෑගලින් ගමන ආරම්භ කර ඇති බව වාර්තා වේ.

රියදුරු, කොන්දොස්තර සහ කාන්තාවන් 20 දෙනෙකු ඇතුළු පුද්ගලයන් 23 දෙනෙකු තුවාල ලබා නුවරඑළිය රෝහලට ඇතුළත් කර ඇත.

තුවාල ලැබූ මගීන් කුරුණෑගල සහ කිරිබ්බන්වැව ප්‍රදේශවල පදිංචිකරුවන් වේ.

නුවරඑළිය පොලිසිය වැඩිදුර පරීක්ෂණ පවත්වයි.